Խաշմանյանը համալրել է «Լոռիի» ղեկավար կազմը

Աբրահամ Խաշմանյանը համալրել է «Լոռիի» ղեկավար կազմը՝ ստանձնելով ակումբի հիմնադիր Թովմաս Գրիգորյանի խորհրդականի պաշտոնը, հայտնում է վանաձորյան թիմի մամուլի ծառայությունը։

Աբրահամ Խաշմանյանը գլխավոր մարզիչի պաշտոնում աշխատել է հայկական տարբեր ակումբներում։ Մարզել է «Կիլիկիան», «Արարատը», «Գանձասարը»։ Մարզել է նաեւ Հայաստանի Մ-19, Մ-21 եւ ազգային հավաքականները։

«Ալաշկերտի» հետ Խաշմանյանը դարձել է Հայաստանի եռակի չեմպիոն, գավաթակիր եւ սուպերգավաթակիր, «Գանձասարի» հետ՝ Հայաստանի առաջնության բրոնզե մեդալակիր։

Խաշմանյանը եվրագավաթներում ամենաշատ հաղթանակ տարած հայ մարզիչն է՝ 7 հաղթանակ 16 խաղում։