Ամերիկյան «Լոս Անջելես Գելաքսին» ցանկանում է ձեռք բերել իտալական «Բրեշիայի» հարձակվող Մարիո Բալոտելիին, հաղորդում է Corriere della Sera-ն։ 29-ամյա ֆուտբոլիստի գործակալ Մինո Ռայոլան առաջարկ է ստացել ՄԼՍ-ը ներկայացնող ակումբից։
Բալոտելին 2019թ․ ամռանն է միացել «Բրեշիային»։ Իտալիայի ընթացիկ առաջնությունում մասնակցել է 19 հանդիպման, խփել 5 գոլ։ Բալոտելիի պայմանագիրը «Բրեշիայի» հետ նախատեսված է մինչեւ 2022թ․ հունիսի 30-ը, սակայն ակումբի նախագահ Մասիմո Չելինոն արդեն հաստատել է, որ այս ամռանը ֆուտբոլիստը կհեռանա թիմից։
Բալոտելիի ծառայություններով հետաքրքրված են նաեւ թուրքական «Գալաթասարայը» եւ բրազիլական «Վասկո դա Գաման»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։