Արմեն Սանամյանը նշանակվել է Վանաձորի «Լոռիի» գլխավոր մարզիչի ժամանակավոր պաշտոնակատար, հայտնում է ակումբի մամուլի ծառայությունը։
Սանամյանն աշխատել է լիբանանյան «Ալ-Նժմեհում», Երեւանի «Ալաշկերտում», «Գանձասար-Կապանում», «Արցախում» եւ «Սեւանում»։
Արմեն Սանամյանի մարզչական շտաբում են ընդգրկվել Արա Նիգոյանը եւ Աշոտ Գրիգորյանը։
Հունիսի 2-ին «Լոռին» հայտնել էր, որ իսպանացի գլխավոր մարզիչ Դավիդ Կամպանյան, նրա օգնականներ Ֆրանցիսկո Կոմպանը, Խորխե Գոմեսը, Ագուստին Պիրեսը եւ Էնրիկե Խիլը չեն շարունակի աշխատանքը Վանաձորի թիմում, քանի որ COVID-19 վիրուսով պայմանավորված, ամբողջ աշխարհում տիրող իրավիճակի պատճառով Դավիդ Կամպանյայի եւ նրա երկու օգնականների վերադարձը Հայաստան հնարավոր չէ։ Իսպանական մարզչական շտաբը «Լոռիում» էր 2019 թվականի հունիսից։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։