«Բացահայտելով տաղանդների». Աբրահամյան եղբայրները Բելգիայից (ֆոտո)

09:10   2 հունիսի, 2020

NEWS.am Sport-ը շարունակում է ներկայացնել արտերկրում հանդես եկող պատանի հայ ֆուտբոլիստների, որոնք ցանկանում են ապագայում խաղալ Հայաստանի ազգային հավաքականում։

Արտյոմ և Արթուր Աբրահամյանները հանդես են գալիս բելգիական Arquet Academy-ում: 15-ամյա կիսապաշտպան Արտյոմը խաղում է Մ-16 տարեկանների թիմում, իսկ 11-ամյա հարձակվող Արթուրը՝ Մ-12 տարեկանների թիմում:

«Արտյոմ Աբրահամյանը ծնվել է 2004 թվականի հունիսի 28-ին: Խաղում է Arquet Academy-ի Մ-16 տարեկանների թիմում: Ֆուտբոլով զբաղվում է 10 տարեկանից, խաղում է կիսապաշտպանի դիրքում:

Արտյոմը մասնակցել է մի շարք մրցաշարերի Բելգիայում և Լյուքսեմբուրգում: Իր թիմի կազմում նվաճել է 5 մեդալ: Սպասվում է, որ կորոնավիրուսի պանդեմիայով պայմանավորված իրավիճակի կայունացումից հետո որդիս կտեղափոխվի Royal Charleroi-ի ակադեմիա:

Իմ կրտսեր որդին՝ Արթուր Աբրահամյանը, ծնվել է 2009 թվականի ապրիլի 18-ին: Հանդես է գալիս Arquet Academy-ի Մ-12 տարեկանների թիմում: Արթուրը հրավիրվում է Namur քաղաքի իր տարիքային խմբի հավաքական:

Արթուրը ֆուտբոլով զբաղվում է 7 տարեկանից, խաղում է հարձակվողի դիրքում: 2018 թվականին ճանաչվել է ակադեմիայի իր տարիքային խմբի լավագույն ֆուտբոլիստ:

Ինձ և որդիներիս համար մեծ պատիվ կլիներ, եթե մի օր նրանք հրավեր ստանային Հայաստանի հավաքականից»,- NEWS.am Sport-ի թղթակցի հետ զրույցում նշել է ֆուտբոլիստների հայրը՝ Վարդգես Աբրահամյանը:

Սամվել Սուքիասյան



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.