«Ռեալի» կիսապաշտպան․ Մեզ մնացել է 11 եզրափակիչ
20:49 1 հունիսի, 2020Մադրիդի «Ռեալի» կիսապաշտպան Լուկաս Վասկեսը մեկնաբանել է կորոնավիրուսի պանդեմիայի հետեւանքով դադարեցված Իսպանիայի առաջնության վերսկսման որոշումը։ Զինեդին Զիդանի գլխավորած թիմը հունիսի 14-ին անցկացվելիք Իսպանիայի առաջնության 28-րդ տուրի խաղում կընդունի «Էյբարին»։
«Ֆուտբոլը բաղկացած է ֆիզիկական եւ հոգեբանական բաղադրիչներից, որոնք շատ կարեւոր են։ Դրանց համադրումը մեզ թույլ կտա լավ մարզավիճակում մոտենալ մրցաշրջանի վերսկսմանը։
Մեզ մնացել է 11 եզրափակիչ։ «Էյբարի» հետ դիմակայությունը սկզբնակետն է։ Հույս ունեմ, որ կկարողանանք հաղթել բոլոր հանդիպումներում եւ նվաճել Լա Լիգայի տիտղոսը»,- Լուկաս Վասկեսի խոսքը մեջբերում է «Ռեալի» պաշտոնական կայքը։
Իսպանիայի առաջնության 27 տուրից հետո «Ռեալն» առաջատար «Բարսելոնայից» հետ է 2 միավոր եւ երկրորդն է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։