Լիոնել Մեսին արդեն չի կարողանա այս ամռանն անվճար փոխել ակումբը

Իսպանիայի չեմպիոն «Բարսելոնայի» արգենտինացի հարձակվող Լիոնել Մեսին այս ամռանն արդեն չի կարողանա անվճար փոխել ակումբը։ 32-ամյա ֆուտբոլիստի պայմանագրով այդ կետն ուժի մեջ էր մինչեւ հունիսի 1-ը, հաղորդում է ESPN-ը։

2017 թվականին կնքած չորս տարվա պայմանագրով Մեսին իրավունք ուներ 2020թ․ ամռանն անվճար հեռանալ, եթե մինչեւ հունիսի 1-ը կատալոնական ակումբին հայտներ որոշման մասին։ Այս առիթով եղել էին ենթադրություններ, որ Մեսին կցանկանա դարձյալ աշխատել «Բարսելոնայի» նախկին գլխավոր մարզիչ Խոսեպ Գվարդիոլայի հետ եւ կտեղափոխվի կատալոնացի մարզիչի գլխավորած Անգլիայի չեմպիոն «Մանչեսթեր Սիթի»։

Իսպանիայի ընթացիկ առաջնությունում Մեսին մասնակցել է 22 հանդիպման, խփել 19 գոլ, կատարել 12 գոլային փոխանցում։