Հարի Քեյն․ Պետք է ձգտենք առաջնությունն ավարտել լավագույն քառյակում

Լոնդոնի «Տոտենհեմի» անգլիացի հարձակվող Հարի Քեյնը նշել է պորտուգալացի Ժոզե Մոուրինյոյի գլխավորած թիմի գլխավոր նպատակը Անգլիայի առաջնությունում։

«Մենք պետք է ձգտենք առաջնությունն ավարտել լավագույն քառյակում։ Չեմպիոնների լիգայի ուղեգիր նվաճելու համար «Տոտենհեմը» պետք է մնացած հանդիպումներում 7 կամ 8 հաղթանակ տանի։ Դա պետք է լինի մեր գերխնդիրը։ Կանենք հնարավոր ամեն ինչ, որպեսզի հասնենք դրան եւ հաջորդ մրցաշրջանում էլ հանդես գանք Չեմպիոնների լիգայում»,- Հարի Քեյնի խոսքը մեջբերում է Sky Sports-ը։

Կորոնավիրուսի պանդեմիայի հետեւանքով դադարեցված Անգլիայի առաջնությունը կվերսկսվի հունիսի 17-ին։ «Տոտենհեմը» 29 խաղից հետո 41 միավորով 8-րդ տեղում է եւ չորրորդ տեղում ընթացող «Չելսիից» հետ է 7 միավոր։