Խառը մենամարտերի 2 քաշային կարգում նախկին չեմպիոն, իռլանդացի Քոնոր Մաքգրեգորի հաջորդ մրցակիցը կարող է լինել թեթև քաշային կարգում չեմպիոն Խաբիբ Նուրմագոմեդովը կամ թեթև քաշային կարգում ժամանակավոր չեմպիոն Ջասթին Գեթժին:
ESPN-ի հաղորդմամբ՝ UFC-ի ղեկավարությունը նախատեսում է Նուրմագոմեդովի և Գեթժիի մենամարտն անցկացնել սեպտեմբերին, իսկ մենամարտի հաղթողի ու Քոնոր Մաքգրեգորի մենամարտը՝ ձմռանը:
Հիշեցնենք, որ UFC 249 մրցաշարում Ջասթին Գեթժին տեխնիկական նոկաուտով հաղթանակ տարավ իր հայրենակից Տոնի Ֆերգյուսոնի նկատմամբ: Մենամարտից հետո խառը մենամարտերի 2 քաշային կարգում UFC նախկին չեմպիոն Քոնոր Մաքգրեգորը հայտարարեց, որ իր հաջորդ մրցակիցը կլինի Գեթժին, որի ատամներից նա վզնոց կպատրաստի:
Ի պատասխան Մաքգրեգորի հայտարարության, Գեթժին հայտարարեց, որ Մաքգրեգորի հետ կմենամարտի միայն Նուրմագոմեդովին հաղթելուց հետո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։