Իտալիայում ֆուտբոլային մրցաշրջանը կվերսկսվի հունիսի 13-ին

00:40   29 մայիսի, 2020

Իտալիայի սպորտի նախարար Վինչենցո Սպադաֆորան Ա Սերիայի եւ ակումբների ղեկավարների հետ խորհրդակցությունից հետո հայտարարել է, որ ֆուտբոլային մրցաշրջանը կվերսկսվի հունիսի 13-14-ին Իտալիայի գավաթի խաղարկության կիսաեզրափակիչի պատասխան հանդիպումներով։ Իտալիայի առաջնությունը կվերսկսվի հունիսի 20-ին։

Կողմերը համաձայնության են հասել նաեւ կորոնավիրուսի պանդեմիայի նոր ալիքի դեպքում մրցաշրջանն ավարտին հասցնելու սցենարների վերաբերյալ։

«Եթե ստիպված լինենք դարձյալ դադարեցնել մրցաշրջանը, Իտալիայի ֆուտբոլի ֆեդերացիան ունի երկու տարբերակ․ փլեյ-օֆֆի ձեւաչափով հանդիպումներ կամ առաջնության վաղաժամ ավարտ թիմերի զբաղեցրած տեղերով»,- նախարարի խոսքը մեջբերում է gazetta.it-ը։

Իտալիայի առաջնությունը դադարեցվել է 26-րդ տուրի հանդիպումներից հետո։ Իտալիայի գավաթի խաղարկության կիսաեզրափակիչի առաջին հանդիպումներում Միլանի «Ինտերը» տանը 0։1 հաշվով պարտվել է «Նապոլիին», «Միլանը» սեփական խաղադաշտում 1։1 հաշվով է խաղացել «Յուվենտուսի» հետ։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։