«Բրեշիայի» նախագահ. Բալոտելին եսասեր է և պետք է հեռանա ակումբից
14:34 28 մայիսի, 2020Իտալական «Բրեշիայի» նախագահ Մասիմո Չելինոն խոսել է թիմի իտալացի հարձակվող Մարիո Բալոտելիի ապագայի շուրջ ստեղծված իրավիճակի մասին:
«Բալոտելին եսասեր է: Նա չի մտածում թիմի մասին և պետք է հեռանա ակումբից: Եթե «Բրեշիան» դուրս մնա Իտալիայի առաջնությունից, նրա պայմանագիրը մեխանիկաբար կլուծարվի:
Մենք հավատում էինք, որ նա կարող է ակումբում դրական փոփոխություններ կատարել, սակայն ես շատ հիասթափված եմ»,- Չելինոյի խոսքը փոխանցում է Football Italia-ն:
Ավելի վաղ հայտնի էր դարձել, որ Մարիո Բալոտելին հրաժարվում է մասնակցել «Բրեշիայի» մարզումներին: Նրա ծառայություններով հետաքրքրված է թուրքական «Գալաթասարայը»:
Մարիո Բալոտելին նախորդ տարվա ամռանն էր տեղափոխվել «Բրեշիա»: Նրա պայմանագիրն ակումբի հետ նախատեսված է մինչև 2022 թվականի հունիս:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։