Իսպանիայի չեմպիոն «Բարսելոնան» եւ Միլանի «Ինտերը» շարունակում են բանակցել արգենտինացի հարձակվող Լաուտարո Մարտինեսի տրանսֆերի հարցով։ Իտալական ակումբը 22-ամյա ֆուտբոլիստի համար պահանջում է 80-90 միլիոն եվրո եւ կատալոնական թիմի 23-ամյա պաշտպան Խունիոր Ֆիրպոյի տրանսֆերը, հաղորդում է gazetta.it-ը։
«Ինտերը» մերժել է 50 միլիոն եվրոյի եւ երկու խաղացողի տրանսֆերի առաջարկը, որն արել էր «Բարսելոնան»։
Կատալոնական ակումբը պատրաստ է վաճառել բրազիլացի կիսապաշտպան Ֆիլիպե Կոուտինյոյին եւ գումարն օգտագործել Մարտինեսի տրանսֆերի գործարքում։ Կոուտինյոն վարձակալությամբ հանդես է գալիս Գերմանիայի չեմպիոն Մյունխենի «Բավարիայում», որը ցանկանում է մեկ տարով երկարաձգել նրա վարձակալությունը։
Իտալիայի ընթացիկ առաջնությունում Մարտինեսը մասնակցել է 22 հանդիպման, խփել 11 գոլ, կատարել 4 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։