Անգլիական «Բորնմուտի» դարպասապահը վարակվել է կորոնավիրուսով

Անգլիական «Բորնմուտի» դարպասապահ Արոն Ռեմսդեյլը հայտնել է, որ վարակվել է կորոնավիրուսով։

«Երկու օր է փորձում էի հասկանալ, թե ինչպես կարող էի վարակվել կորոնավիրուսով։ Մարզումները վերսկսելուց առաջ նախանցած թեստս բացասական էր։ Անցած շաբաթ զբաղվել եմ սովորական գործերով՝ սուպերմարկետ, բենզալցակայան։ Շատ զգուշավոր եմ եղել։ Հավանաբար, վարակվել եմ խանութում։ Որոշակի շոկ եմ ապրում։ Մեկ շաբաթ պետք է լինեմ ինքնամեկուսացած։ Ինձ լավ եմ զգում, ոչ մի ախտանիշ չունեմ»,- Ռեմսդեյլի խոսքը մեջբերում է The Sun-ը։

Անգլիայի ընթացիկ առաջնությունում 22-ամյա դարպասապահը մասնակցել է 28 հանդիպման, բաց թողել 44 գոլ, կատարել 1 գոլային փոխանցում։