Կատալոնական «Բարսելոնայի» և Բրազիլիայի ազգային հավաքականի կիսապաշտպան Արթուր Ռամոսը հայտարարել է, որ չի քննարկում Իսպանիայի չեմպիոնից հեռանալու տարբերակը:
«Հպարտ եմ, որ իմ ծառայություններով հետաքրքրվում են Եվրոպայի լավագույն թիմերը, սակայն ես երջանիկ եմ «Բարսելոնայուն» և հեռանալու որևէ մտադրություն չունեմ»,- Արթուրի խոսքը փոխանցում է ESPN-ը:
«Արթուրը կհեռանար «Բարսելոնայից», եթե ակումբն անվստահություն հայտներ նրան, սակայն նման բան տեղի չի ունեցել»,- նշել է Արթուրի մտերիմներից մեկը:
23-ամյա Արթուր Մելոն «Բարսելոնայում» հանդես է գալիս 2018 թվականից: Կատալոնական թիմի կազմում 43 խաղում Արթուրը դարձել է 3 գոլի հեղինակ:
Ավելի վաղ հայտնի էր դարձել, որ «Բարսելոնան» ցանկանում է Արթուրին փոխանակել «Յուվենտուսի» կիսապաշտպան Միրալեմ Պյանիչի հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։