Իսպանական «Ռեալ Սոսյեդադում» վարձակալությամբ հանդես եկող 21-ամյա նորվեգացի կիսապաշտպան Մարտին Էդեգորը հաջորդ մրցաշրջանում կվերադառնա Մադրիդի «Ռեալ», հաղորդում է AS-ը։ Արքայական ակումբի ֆրանսիացի գլխավոր մարզիչ Զինեդին Զիդանը ցանկանում է հնարավորություն տալ երիտասարդ ֆուտբոլիստին։
Էդեգորը 2015-ին է «Ստրյոմսգոդսետից» տեղափոխվել «Ռեալ», որի գլխավոր թիմում անցկացրել է ընդամենը մեկ հանդիպում։
2017-2018 թվականների մրցաշրջանում նա վարձակալությամբ հանդես է եկել «Հերենվենում», հաջորդ մրցաշրջանում՝ «Վիտեսում», իսկ անցած ամռանը միացել է «Ռեալ Սոսյեդադին»։
Իսպանիայի ընթացիկ առաջնությունում Էդեգորը մասնակցել է 23 հանդիպման, խփել 4 գոլ, կատարել 5 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։