«Արսենալը» միացել է Կոուտինյոյի համար պայքարին

14:46   25 մայիսի, 2020

Կատալոնական «Բարսելոնայի» և Բրազիլիայի ազգային հավաքականի կիսապաշտպան Ֆիլիպե Կոուտինյոն, որն ընթացիկ մրցաշրջանը վարձակալությամբ անցկացնում է Մյունխենի «Բավարիայում», կարող է առաջիկա ամռանը պայմանագիր կնքել Լոնդոնի «Արսենալի» հետ, տեղեկացնում է Football Espana-ն:

«Արսենալը» բանակցում է 27-ամյա կիսապաշտպանի ներկայացուցիչների հետ և փորձում է խանգարել Լոնդոնը ներկայացնող մյուս ակումբին՝ «Չելսիին», որը մոտ է Կոուտինյոյի հետ համաձայնության գալուն:

«Բավարիան» չի ցանկանում հաջորդ մրցաշրջանում թիմում պահել Կոուտինյոյին, իսկ «Բարսելոնան» ցանկանում է վաճառել նրան: 27-ամյա կիսապաշտպանի ծառայություններով հետաքրքրված են անգլիական «Մանչեսթեր Յունայթեդն» ու «Չելսին»: 

Մյունխենի «Բավարիայում» վարձակալությամբ հանդես եկող Կոուտինյոն «Բարսելոնա» է տեղափոխվել 2018 թվականի ամռանը՝ «Լիվերպուլից»: Ընթացիկ մրցաշրջանում բրազիլացի ֆուտբոլիստը «Բավարիայի» կազմում 32 խաղում դարձել է 9 գոլի և 6 գոլային փոխանցման հեղինակ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։