ՊՍԺ-ն ու «Բավարիան» ցանկանում են գնել Դոնեցկի «Շախտյորի» ֆուտբոլիստին

20:28   24 մայիսի, 2020

Ֆրանսիայի չեմպիոն Փարիզի ՊՍԺ-ն եւ Գերմանիայի չեմպիոն Մյունխենի «Բավարիան» հետաքրքրված են Դոնեցկի «Շախտյորի» 21-ամյա բրազիլացի պաշտպան Դոդոյի ծառայություններով։

«Բավարիան» արդեն 20 միլիոն եվրոյի առաջարկ է արել ուկրաինական ակումբին, հաղորդում է Le10sport-ը։ ՊՍԺ-ն փոխարինող է փնտրում պաշտպան Թոմաս Մենյեին եւ Դոդոյին համարում է արժանի փոխարինող նրա տեղը։

«Շախտյորը» Դոդոյի տրանսֆերից ակնկալում է 30 միլիոն եվրո։ Նա 2018թ․ հունվարին է բրազիլական «Կորիտիբայից» տեղափոխվել «Շախտյոր»՝ կնքելով պայմանագիր, որը նախատեսված է մինչեւ 2022թ․ հունիսի 30-ը։

Ընթացիկ մրցաշրջանում Դոդոն «Շախտյորի» հետ բոլոր մրցաշարերում մասնակցել է 24 հանդիպման, խփել 2 գոլ, կատարել 3 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։