Բրայանտի այրին բասկետբոլիստի ընկերության վաճառքից կստանա 200 միլիոն դոլար
10:16 24 մայիսի, 2020Ուղղաթիռի կործանման հետեւանքով զոհված լեգենդար ամերիկացի բասկետբոլիստ Կոբի Բրայանտի այրի Վանեսան կստանա 200 միլիոն դոլար մարզական ըմպելիքների BodyArmor ընկերության վաճառքից, հաղորդում է ESPN-ը։
Գործարքը կատարվել էր 2018 թվականին։ BodyArmor-ի հիմնադիրներից էին Բրայանտն ու Մայք Ռեպոլեն։ Առեւտրային նշանը վաճառվել էր մոտ 2 միլիարդ դոլարով, Բրայանտի մասնաբաժինը կազմել էր 200 միլիոն դոլար, որը բաժին կհասնի Վանեսա Բրայանտին։
Հիշեցնենք, որ 1996 թվականից ամբողջ կարիերան «Լոս Անջելես Լեյքերսում» անցկացրած Բրայանտը մեծ սպորտից հեռացել էր 2016-ին։
Այս տարվա հունվարի 26-ին տեղի ունեցած ավիաաղետում զոհվել էր նաեւ Բրայանտի 13-ամյա դուստրը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։