«Յուվենտուսն» 2021 թվականին կփորձի ձեռք բերել Հոլանդին

17:15   23 մայիսի, 2020

Թուրինի «Յուվենտուսի» ղեկավարությունը ցանկանում է հաջորդ տարի պայմանագիր կնքել Դորտմունդի «Բորուսիայի» նորվեգացի հարձակվող Էրլինգ Հոլանդի հետ, տեղեկացնում է Tuttosport-ը:

Իտալական ակումբում կարծում են, որ այս տարի հնարավոր չի լինի համաձայնության գալ Հոլանդի տեղափոխության հարցում, քանի որ 19-ամյա ֆուտբոլիստն այս տարվա հունվարին է տեղափոխվել «Բորուսիա»:

Էրլինգ Հոլանդի տեղափոխությամբ հետաքրքրված են նաև Մադրիդի «Ռեալն» ու Փարիզի ՊՍԺ-ն:

«Բորուսիայում» անցկացրած 12 խաղում Հոլանդն արդեն խփել է 13 գոլ, կատարել 3 գոլային փոխանցում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։