Գերմանիայի չեմպիոն Մյունխենի «Բավարիայի» գլխավոր տնօրեն Կառլ-Հայնց Ռումենիգեն պատմել է «Բարսելոնայի» բրազիլացի կիսապաշտպան Ֆիլիպե Կոուտինյոյի շուրջ ստեղծված իրավիճակը։ «Բավարիայի» հետ նրա վարձակալության պայմանագիրն ավարտվում է հունիսի 30-ին։
«Կոուտինյոյի տրանսֆերը գնելու մեր առաջնահերթ իրավունքի ժամկետն արդեն անցել է։ Մենք չենք ակտիվացրել այն, հրաժարվել ենք գնել նրա տրանսֆերը։
Այժմ պետք է ավարտենք հաջորդ մրցաշրջանի համար մեր կազմի պլանավորումը։ Պետք է հասկանալ՝ Կոուտինյոն մեզ հետ է, թե հեռանում է»,- Ռումենիգեի խոսքը մեջբերում է Mundo Deportivo-ն։
«Բավարիան» իրավունք ուներ 120 միլիոն եվրոյով գնել Կոուտինյոյին, սակայն գերմանական ակումբը ցանկանում է երկարաձգել վարձակալության պայմանագիրը։
«Բարսելոնան» մտադիր է այս ամռանը վաճառել Կոուտինյոյին, որի պայմանագիրը կատալոնական ակումբի հետ նախատեսված է մինչեւ 2023թ․ հունիս։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։