Գոնսալո Իգուաինը պատրաստ է միանալ «Դի Սի Յունայթեդին»

20:12   21 մայիսի, 2020

Իտալիայի չեմպիոն Թուրինի «Յուվենտուսի» 32-ամյա արգենտինացի հարձակվող Գոնսալո Իգուաինը առաջարկ է ստացել ամերիկյան «Դի Սի Յունայթեդից» եւ պատրաստ է կարիերան շարունակել հյուսիսամերիկյան ՄԼՍ-ում, հաղորդում է Washington Post-ը։

«Դի Սի Յունայթեդում» է հանդես գալիս Գոնսալո Իգուաինի ավագ եղբայրը։ Եթե ամերիկյան ակումբն ու «Յուվենտուսը» համաձայնության հասնեն տրանսֆերի գնի հարցում, Իգուաինը կընդունի առաջարկը։

Իգուաինի գործող պայմանագիրը «Յուվենտուսի» հետ նախատեսված է մինչեւ 2021թ․ հունիս։

Ընթացիկ մրցաշրջանում Իգուաինը «Յուվենտուսի» հետ մասնակցել է 34 հանդիպման, խփել 8 գոլ, կատարել նույնքան գոլային փոխանցում։

Իգուաինի ծառայություններով հետաքրքրված է նաեւ արգենտինական «Ռիվեր Փլեյթը»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։