Մեծ պատիվ էր քո դեմ խաղալը. «Բարսելոնան» հաջողություն է մաղթել Ադուրիսին

11:40   21 մայիսի, 2020

Կատալոնական «Բարսելոնան» հաջողություն է մաղթել Բիլբաոյի «Աթլետիկի» լեգենդար հարձակվող, Իսպանիայի հավաքականի նախկին խաղացող, 39-ամյա Արից Ադուրիսն, որը մայիսի 20-ին հայտարարել է կարիերան ավարտելու մասին:

«Մեծ պատիվ էր քո դեմ խաղալը: Հաջողություն ենք մաղթում ապագայում»,- գրված է «Բարսելոնայի» հայտարարության մեջ:

Ադուրիսը «Աթլետիկում» հանդես է եկել 2002-2003-ին եւ 2012-ից մինչեւ հիմա։ Բիլբաոյի թիմում նա անցկացրել է 405 հանդիպում՝ խփելով 172 գոլ։ Նա հանդես եկել է նաեւ «Բուրգոսում», «Վալյադոլիդում», «Մալյորկայում» և «Վալենսիայում»։ 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։