Բունդեսլիգայի հանդիպումներից առաջ կհարգեն կորոնավիրուսից մահացածների հիշատակը

23:41   20 մայիսի, 2020

Ֆուտբոլի առաջին եւ երկրորդ բունդեսլիգաների հաջորդ երկու խաղային օրերի հանդիպումներից առաջ ֆուտբոլիստներն ու մարզիչները մեկ րոպե լռությամբ կհարգեն կորոնավիրուսից զոհվածների հիշատակը։ Ֆուտբոլիստները հանդես կգան սեւ թեւկապերով, հաղորդում է Բունդեսլիգայի պաշտոնական կայքը։

«Կորոնավիրուսի տարածումն արդեն խլել է բազմաթիվ կյանքեր ամբողջ աշխարհում։ Գերմանիայի պրոֆեսիոնալ ֆուտբոլն առաջիկա երկու խաղային օրերի ընթացքում կհայտնի իր ցավակցությունը եւ կհարգի մահացածների հիշատակը։

Միեւնույն ժամանակ մենք ցանկանում ենք շնորհակալություն հայտնել պանդեմիայի դեմ պայքար տանող մարդկանց բժշկության, խնամքի, քաղաքականության եւ այլ ոլորտներում»,- նշել է Գերմանիայի ֆուտբոլայի լիգայի նախագահության մամուլի քարտուղար Կրիստիան Զայֆերտը։

Գերմանիայում COVID-19-ից գրանցվել է 8213 մահ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։