Ռուսաստանի նախագահ Վլադիմիր Պուտինն իր զորակցությունն է հայտնել խառը մենամարտերի թեթև քաշային կարգում UFC չեմպիոն Խաբիբ Նուրմագոմեդովի ընտանիքին և շուտափույթ ապաքինում մաղթել մարզիկի հորը՝ Աբդուլմանապ Նուրմագոմեդովին:
«Վլադիմիր Պուտինը հեռախոսազրույց է ունեցել Խաբիբի հետ և վստահեցրել նրան, որ Աբդուլմանապ Նուրմագոմեդովը կստանա լավագույն բժշկական օգնությունը»,- ESPN-ի հաղորդմամբ՝ ասել է Նուրմագոմեդովի մենեջեր Ալի Աբդել-Ազիզը:
Մայիսի 13-ին Աբդուլմանապ Նուրմագոմեդովը գլխուղեղի կաթված էր ստացել, նրա մոտ հայտնաբերվել է նաև կորոնավիրուս, ունի թոքաբորբ, միացված է թոքերի օդափոխության սարքին։ Բժիշկները նրա վիճակը գնահատում են ծայրահեղ ծանր: Աբդուլմանապ Նուրմագոմեդովը գտնվում է կոմայի մեջ: Ռուսաստանի վաստակավոր մարզիչը մայիսի 3-ին Դաղստանից տեղափոխվել էր Մոսկվա։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։