Հայկական շախմատի առաջատար Լեւոն Արոնյանը պարտվեց աշխարհի չեմպիոն, նորվեգացի Մագնուս Կարլսենին արագ խաղի Lindores Abbey Rapid Challenge առցանց մրցաշարի երկրորդ տուրում։ Հայ գրոսմայստերը խաղաց սեւ ֆիգուրներով եւ 22-րդ քայլում ընդունեց պարտությունը։
Կարլսենը 2 միավորով գլխավորում է մրցաշարային աղյուսակը։ Լեւոն Արոնյանն ունի 1 միավոր՝ առաջին տուրում իրանցի Ալիռեզա Ֆիրուջային հաղթելու շնորհիվ։
Մրցաշարի մրցանակային հիմնադրամը 150 հազար դոլար է։ Մայիսի 19-ին կանցկացվի չորս տուր։ Երեք օրում մասնակիցները կանցկացնեն 11 տուր։ 12 մասնակիցներից փլեյ-օֆֆ դուրս կգա 8 շախմատիստ։
Նոկաուտ մրցակարգով մրցաշարի հաղթողը կստանա 45 հազար դոլար, եզրափակիչի մասնակիցը՝ 27 հազար դոլար։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։