11:02 15 մայիսի, 2020NEWS.am Sport-ը շարունակում է ներկայացնել արտերկրում հանդես եկող և Հայաստանի հավաքականում խաղալու երազանք ունեցող պատանի հայ ֆուտբոլիստների:
Շվեդական Örebro SK ակումբի Մ-19 տարեկանների պատանեկան թիմում հանդես է գալիս 18-ամյա հարձակվող Դավիթ Սահակյանը:
«Ծնվել եմ 2002 թվականի ապրիլի 1-ին Գերմանիայում: Ընտանիքով տեղափոխվել ենք Շվեդիա, երբ ես 2 տարեկան էի: Իմ հայրը հայ է, իսկ մայրս՝ ռուս: Խաղում եմ կենտրոնական և եզրային հարձակվողի դիրքերում:
Ֆուտբոլով սկսել եմ զբաղվել 5 տարեկանից Nora BK ակումբում, հաճախել եմ Grillska Gymnasiet էլիտար ֆուտբոլային դպրոց: 14 տարեկանում տեղափոխվել եմ Nora BK-ի հիմնական թիմ, որը հանդես է գալիս Շվեդիայի չորրորդ դիվիզիոնում:

2018 թվականին տեղափոխվել եմ Շվեդիայի երկրորդ դիվիզիոնի՝ Superettan-ի Degerfors IF ակումբ: 1 տարի անցկացրել եմ պատանեկան թիմում, խաղացել եմ Շվեդիայի պատանեկան առաջնության Բարձրագույն խմբում: Degerfors IF-ում արդյունավետ տարի եմ անցկացրել, շատ գոլեր հեղինակել:
Նախորդ տարի տեղափոխվել եմ Շվեդիայի Բարձրագույն խմբի՝ Allsvenskan-ի Örebro SK ակումբ: Հանդես եմ գալիս Մ-19 և Մ-21 տարեկանների թիմերում: Պարբերաբար մարզվում եմ գլխավոր թիմի հետ: Örebro SK-ի ակադեմիան լավագույններից մեկն է Շվեդիայում:
2018 թվականին մասնակցել եմ Շվեդիայի Մ-17 տարեկանների պատանեկան հավաքականի հավաքին:
Իմ ընտանիքի մի մասն ապրում է Հայաստանում, որտեղ ես մի քանի անգամ եղել եմ: Հայաստանի պատանեկան կամ երիտասարդական հավաքականներից հրավեր ստանալը մեծ պատիվ կլինի ինձ ու ընտանիքիս համար: Շատ շնորհակալ եմ հարցազրույցի և Ձեր ջանքերի համար»,- նշել է Դավիթ Սահակյանը:
Սամվել Սուքիասյան

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.