Ֆետելը կտեղափոխվի «Մերսեդես» կամ կհեռանա Ֆորմուլա-1-ից
15:39 14 մայիսի, 2020Ֆորմուլա-1-ի «Ֆերարի» թիմի 32-ամյա գերմանացի մրցարշավորդ Սեբաստիան Ֆետելն ընթացիկ մրցաշրջանի ավարտից հետո մտադիր է տեղափոխվել «Մերսեդես», տեղեկացնում է F1-Insider-ը:
Ֆորմուլա-1-ի քառակի չեմպիոն Ֆետելը մերժել է «Մակլարենի» առաջարկը և բանակցում է «Մերսեդեսի» հետ, որի հետ համաձայնության չգալու դեպքում՝ կհեռանա Ֆորմուլա-1-ից:
Ավելի վաղ հայտնի էր դարձել, որ Սեբաստիան Ֆետելը չի համաձայնել աշխատավարձի եռակի կրճատման և հրաժարվել է երկարաձգել պայմանագիրը «Ֆերարիի» հետ, որն ավարտվում է այս տարի։ «Ֆերարին» պատրաստ է նրան վճարել միայն 12 միլիոն եվրո։ Ֆետելն այժմ ստանում է 36 միլիոն եվրո։
«Ֆերարիում» Ֆետելին կփոխարինի «Մաքլարեն» թիմի 25-ամյա իսպանացի մրցարշավորդ Կառլոս Սայնսը, որի տարեկան աշխատավարձը կկազմի 10 միլիոն եվրո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։