Հայկական շախմատի առաջատար Լեւոն Արոնյանը Եվրոպայի հավաքականի կազմում պարտություն կրեց Ազգերի գավաթի առցանց խաղարկության (ՖԻԴԵ-ի կազմակերպած արագ շախմատի թիմային մրցաշար) խմբային փուլի վերջին տուրում։
Եվրոպայի հավաքականը մրցում էր մնացյալ աշխարհի թիմի հետ։ Լեւոն Արոնյանի մրցակիցը իրանցի Ալիռեզա Ֆիրուջան էր, որը սպիտակ ֆիգուրներով հաղթանակ տարավ 40-րդ քայլում։
Եվրոպայի հավաքականը բավարարվեց ոչ ոքի (2։2) արդյունքով եւ 13 միավորով գրավեց երրորդ տեղը։
Գավաթը մայիսի 10-ին անցկացվելիք եզրափակիչում կվիճարկեն Չինաստանի եւ ԱՄՆ-ի հավաքականները։
Չինացիները վերջին տուրում 1,5։2,5 հաշվով պարտվեցին ամերիկացիներին, որոնք թիմային 13 միավորով եւ ընդհանուր 22 միավորով գրավեցին երկրորդ տեղը։ Չինաստանը թիմային 17 միավորով դեռ նախավերջին տուրում ապահովել էր առաջին տեղը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։