Լա Լիգան հետաքրքիր տարբերակ է մտածել երկրպագուների վիրտուալ ներկայությունը ստադիոններում ապահովելու համար
17:08 9 մայիսի, 2020Իսպանական Լա Լիգայի ղեկավարությունը նախապատրաստական աշխատանքներ է կատարում երկրում ֆուտբոլային մրցաշրջանը վերսկսելու համար, հայտնում է Football Espana-ն:
Լա Լիգայի նախագահ Խավիեր Տեբասը հայտարարել է, որ իր ղեկավարած կազմակերպությունը հետաքրքիր տարբերակ է մտածել ստադիոններում երկրպագուների վիրտուալ ներկայությունն ապահովելու համար:
«Ցավոք, մենք չենք կարող հանդիպումներն անցկացնել հանդիսականներով, սակայն ֆուտբոլիստները դժգոհում են, որ դատարկ ստադիոնում խաղալով՝ նրանք հաճույք չեն ստանում ֆուտբոլից:
Մենք հատուկ տեխնիկայի միջոցով կապահովենք երկրպագուների վիրտուալ ներկայությունը ստադիոնում: Twitter-ում տվյալ հանդիպմանը վերաբերող բոլոր գրառումները կցուցադրվեն ստադիոնի լուսատախտակին»,- ասել է Տեբասը:
Ավելի վաղ տեղեկացրել ենք, որ նախնական պայմանավորվածություն է ձեռք բերվել Իսպանիայում ֆուտբոլային մրցաշրջրջանը վերսկսել հունիսի 20-ին և ավարտել հուլիսի 26-ին, որպեսզի ֆուտբոլիստները 2 շաբաթ հանգստի հնարավորություն ունենան հաջորդ մրցաշրջանի մեկնարկից առաջ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.