Ստամբուլում հնչեց Հայաստանի հիմնը, բարձրացվեց հայկական եռագույնը
00:17 10 սեպտեմբերի, 2012Թուրքիայի Ստամբուլ քաղաքում կայացավ շախմատի 40-րդ համաշխարհային օլիմպիադայի փակման հանդիսավոր արարողությունը:
Համաշխարհային շախմատային օլիմպիադայի եռակի չեմպիոն Հայաստանի հավաքականը՝ Լեւոն Արոնյան, Սերգեյ Մովսեսյան, Վլադիմիր Հակոբյան, Գաբրիել Սարգսյան, Տիգրան Պետրոսյան եւ գլխավոր մարզիչ Արշակ Պետրոսյանն արժանացան ոսկե մեդալների: Հայաստանի ներկայացուցիչներին պարգեւատրեց ՖԻԴԵ-ի նախագահ Կիրսան Իլյումժինովը: Ստամբուլում հնչեց Հայաստանի Հանրապետության հիմնը, բարձրացվեց հայկական եռագույնը:
Լեւոն Արոնյանը եւ Վլադիմիր Հակոբյանը թիմային ոսկե մեդալից բացի արժանցան նաեւ տիտղոսների լավագույն անհատական արդյունք ցուցադրելու համար:
Առաջին խաղատախտակի վրա ցույց տված լավագույն արդյունքի համար Լեւոն Արոնյանը հայկական եռագույնն ուսերին գցած արժանացավ ոսկե մեդալի` 10 հնարարվորից 7 միավոր: Երրորդ խաղատախտակի վրա լավագույն արդյունք գրանցելու համար 10 հնարավորից 7.5 միավարով Վլադիմիր Հակոբյանն արժանացավ արծաթե մեդալի:
Հիշեցնենք, որ 40-րդ համաշխարհային օլիմպիադայի վերջին տուրում Հայաստանի հավաքականը 2.5։1.5 հաշվով հաղթեց Հունգարիային եւ 19 միավորով Ռուսաստանի հետ կիսեց առաջին տեղը։ Լրացուցիչ գործակցով շախմատի տղամարդկանց Հայաստանի հավաքականը երրորդ անգամ հռչակվեց օլիմպիական չեմպիոն: Ուկրաինացիները զբաղեցրին երրորդ տեղը:
Հայաստանը նաեւ եռակի բրոնզե մեդալակիր է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.