Լոնդոնում կայացած 14-րդ Պարալիմպիկ խաղերի ընդհանուր հաշվարկում առաջին տեղը զբաղեցրեց Չինաստանի պատվիրակությունը:
Չինացիները նվաճեցին 91 ոսկե, 71 արծաթե եւ 65 բրոնզե մեդալ: Երկրորդ տեղում ռուսներ են՝ 36 ոսկի, 38 արծաթ եւ 28 բրոնզ: Սա ռուսների լավագույն մրցելույթն էր Պարալիմպիկ խաղերում:
Լավագույն եռյակը եզրափակեց Մեծ Բրիտանիայի պատվիրակությունը, որը նվաճել է 34 ոսկե, 43 արծաթե եւ 43 բրոնզե մեդալ:
Հիշեցնենք, որ Լոնդոնի Պարալիմպիկ խաղերում Հայաստանը ներկայացնում էին ծանրորդ Գրետա Վարդանյանը եւ լողորդ Մարգարիտա Հովակիմյանը: Ծանրամարտի կանանց մինչեւ 48 կգ քաշային կարգում հանդես եկած Գրետա Վարդանյանը երկամարտում գրանցեց 82 կգ՝ ցույց տալով վերջին արդյունքը: Գրետան զբաղեցրեց նախավերջին՝ 7-րդ տեղը, քանի որ Հարավային Կորեան ներկայացնող մարզուհին մրցահարթակ դուրս չեկավ: 100 մետր բրաս լողաոճում Մարգարիտա Հովակիմյանը գրավել էր վերջին՝ 14-րդ տեղը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։