NEWS.am Sport-ը շարունակում է ներկայացնել արտերկրում հանդես եկող և Հայաստանի հավաքականում խաղալու երազանք ունեցող պատանի հայ ֆուտբոլիստների:
Ռուսական «Չերտանովոյի» ակադեմիայում հանդես է գալիս 12-ամյա կիսապաշտպան Արման Մանուկյանը, որը մի քանի տարի անցկացրել է կատալոնական «Բարսելոնայի» մոսկովյան ակադեմիայում:
«Արմանը ծնվել է Մոսկվայում, ֆուտբոլով սկսել է զբաղվել 6 տարեկանից»,- NEWS.am Sport-ի թղթակցի հետ զրույցում նշել է ֆուտբոլիստի հայրը՝ Հայկ Մանուկյանը:
«Իմ որդին կարիերան սկսել է 2014 թվականին «Լիդեր» ակումբում, 1 տարի անց ճանաչվել է «Осенний Кубок Мегасферы» մրցաշարի լավագույն կիսապաշտպան: 2016 թվականին Արմանը մարզվել է Երևանի ֆուտբոլի ակադեմիայում:
2017 թվականին նա տեղափոխվել է Barça Academy Moscow, որտեղ խաղացել է Ժորդի Գրատակոսայի գլխավորությամբ: Արմանը մասնակցել է մի շարք միջազգային մրցաշարերի Դուբայում, Վալենսիայում: Audi Cup մրցաշարում նրա գոլային փոխանցումը ճանաչվել է լավագույնը:
2018 թվականի ամռանն իմ որդին մասնակցել է Summer Cup Armenia մրցաշարին:
Նախորդ տարվա ապրիլին Արմանը Barça Academy Moscow-ի կազմում մասնակցել է Կատալոնիայում անցկացված Barça Academy International Tournament մրցաշարին, որում Արմանի թիմը 52 թիմերի մեջ զբաղեցրեց 5-րդ տեղը: «Բարսելոնայի» ակադեմիան ունի ավելի քան 40 մասնաճյուղ աշխարհի 22 երկրում:
Այնուհետև Արմանը տեղափոխվեց «Չերտանովոյի» ակադեմիա, որտեղ հանդես է գալիս փլեյմեյքերի դիրքում:
Որդիս, որն այս ամիս կնշի ծննդյան 13-րդ տարեդարձը, անհամբերությամբ սպասում է Հայաստանի պատանեկան հավաքականից հրավերի: Դա մեծ պատիվ կլինի մեր ընտանիքի համար»,- նշել է Հայկ Մանուկյանը:
Սամվել Սուքիասյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։