Հայտնի է Մաքգրեգորի հաջորդ մենամարտի հավանական ժամկետը
15:50 6 մայիսի, 2020Խառը մենամարտերի 2 քաշային կարգում UFC նախկին չեմպիոն իռլանդացի Քոնոր Մաքգրեգորն իր հաջորդ մենամարտը կարող է անցկացնել ընթացիկ տարվա հունիսին: Այդ մասին հայտարարել է UFC նախագահ Դանա Ուայթը:
«Մաքգրեգորը ցանկանում է մենամարտել: Նա ինձ հարցնում է՝ արդյոք իր մենամարտին ներկա կլինեն հանդիսկաններ, իսկ ես պատասխանում եմ, որ ոչ, մենամարտն անցկացվելու է առանց հանդիսականների:
Դեռ պարզ չէ, թե ով կլինի Մաքգրեգորի մրցակիցը, սակայն մենամարտը տեղի կունենա հունիսի վերջին»,- Դանա Ուայթի խոսքը փոխանցում է Allboxing-ը:
Վերջին անգամ 32-ամյա Մաքգրեգորն օկտագոն է դուրս եկել հունվարին: Ամերիկացի Դոնալդ Սերոնեի հետ մենամարտում իռլանդացի մարզիկը հաղթանակ տարավ 40 վայրկյանում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.