ՄՕԿ-ը հակադոպինգային կազմակերպություններին կոչ է արել ավելի խիստ միջոցներ ձեռնարկել
20:19 1 մայիսի, 2020Միջազգային օլիմպիական կոմիտեի մարզիկների հանձնաժողովը հակադոպինգային կազմակերպություններին կոչ է արել խիստ միջոցներ ձեռնարկել «մաքուր» մարզիկներին պաշտպանելու համար, հայտնում է կազմակերպության մամուլի ծառայությունը:
«Մենք մեծ առաջընթաց ենք նկատում դոպինգ ընդունած մարզիկներին հայտնաբերելու և որակազրկելու նպատակով կատարվող աշխատանքում, սակայն կարծում ենք, որ այդ աշխատանքներից չպետք է տուժեն այն մարզիկները, որոնք պահպանել են բոլոր կանոնները և չեն օգտվել արգելված դեղամիջոցներից:
Կոչ ենք անում բոլոր հակադոպինգային կազմակերպություններին ամենախիստ միջոցները ձեռնարկել դոպինգ ընդունած մարզիկներին հայտնաբերելու և սպորտը մաքրելու համար»,- ասված է հայտարարության մեջ:
Ավելի վաղ հայտնի էր դարձել, որ Համաշխարհային հակադոպինգային կազմակերպությունը (WADA) ավարտել է Ռուսաստանը ներկայացնող 298 մարզիկների նկատմամբ հարուցված գործի քննությունը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։