ՊՍԺ-ն ճանաչվեց Ֆրանսիայի չեմպիոն. Հայտնի են ՉԼ-ի ու ԵԼ-ի մասնակիցները
14:58 30 ապրիլի, 2020Ֆրանսիայի Պրոֆեսիոնալ ֆուտբոլային լիգան Փարիզի ՊՍԺ-ին ճանաչել է Ֆրանսիայի առաջնության 2019/20 մրցաշրջանի չեմպիոն, տեղեկացնում է L'Equipe-ն:
Պրոֆեսիոնալ ֆուտբոլային լիգան որոշել է նաև հաջորդ մրցաշրջանում Չեմպիոնների լիգայի ու Եվրոպայի լիգայի մասնակիցներին՝ թիմերին դասակարգելով առաջնության դադարեցման պահին զբաղեցրած տեղերով:
Չեմպիոնների լիգայի ուղեգրերը հատկացվել են ՊՍԺ-ին, «Մարսելին» և «Ռենին», իսկ Եվրոպայի լիգայի ուղեգրերը՝ «Լիլին», «Ռեյմսին» ու «Նիցային»:
Ֆրանսիայի առաջնությունից դուրս կմնան մրցաշարային աղյուսակի 2 հետնապահները՝ «Թուլուզն» ու «Ամիենը», իսկ նրանց տեղը կզբաղեցնեն երկրորդ դիվիզիոնի առաջատարները՝ «Լանսն» ու «Լորյանը»:
1997 թվականից հետո առաջին անգամ «Լիոնը» չի մասնակցի եվրագավաթային մրցաշարերի:
Հիշեցնենք, որ Ֆրանսիայի կառավարությունը որոշել է մինչև սեպտեմբեր երկրում արգելել խոշոր մարզական միջոցառումները։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.