Ստամբուլ-2012. Հայաստանը՝ օլիմպիադայի եռակի չեմպիոն
17:41 9 սեպտեմբերի, 2012Լրացուցիչ ցուցանիշների նախնական հաշվարկով շախմատի Հայաստանի հավաքականը երրորդ անգամ հռչակվեց համաշխարհային օլիմպիադայի չեմպիոն։
Վերջին տուրում Հայաստանի հավաքականը 2.5։1.5 հաշվով հաղթեց հունգարացիներին։
Հուդիթ Պոլգար – Վլադիմիր Հակոբյան պարտիան 94-րդ քայլում ավարտվեց ոչ ոքի:
Ավելի վաղ Սերգեյ Մովսեսյան – Զոլթան Ալմաշի պարտիայում հայ շախմատիստը, ունենալով երկու անցունակ զիվորի առավելություն, պարտիան հեշտությամբ ավարտել էր իր օգտին:
Գաբրիել Սարգսյան – Ֆերենց Բերկեշ պարտիան ավարտվել էր խաղաղ ելքով: Իսկ առաջին խաղատախտակի վրա միավորը կիսել էին առաջատարները` Պետեր Լեկոն եւ Լեւոն Արոնյանը:
Այսպիսով վերջին տուրից հետո 19 թիմային միավոր են հավաքել միայն Հայաստանի եւ Ռուսաստանի հավաքականները։ Ռուսները 3։1 հաշվով հաղթեցին գերմանացիներին։
Ուկրաինայի հավաքականը 3։1 հաշվով հաղթեց չինացիներին եւ ապահովեց երրորդ տեղը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.