Ֆրանսիայի վարչապետ․ Մինչեւ սեպտեմբեր խոշոր մարզական միջոցառումներ չեն լինի

19:06   28 ապրիլի, 2020

Ֆրանսիայի վարչապետ Էդուարդ Ֆիլիպը երկրի խորհրդարանում հայտարարել է, որ ֆուտբոլի Ֆրանսիայի առաջնության վերսկսումը հնարավոր չի լինի։ Մրցաշրջանը դադարեցված է կորոնավիրուսի պանդեմիայի հետեւանքով։

«Մինչեւ սեպտեմբեր խոշոր մարզական միջոցառումներ չեն լինի երկրի տարածքում։ Ֆուտբոլային մրցաշրջանի վերսկսումը հնարավոր չէ»,- Էդուարդ Ֆիլիպի խոսքը մեջբերում է L'Equipe-ը։

Ֆրանսիայի ֆուտբոլի ֆեդերացիան ու լիգան առաջիկայում պետք է քննարկեն առաջնություններն անավարտ թողնելու հետեւանքները, արդյունքների չեղարկման, Չեմպիոնների լիգայի եւ Եվրոպայի լիգայի ուղեգրերի բաշխման հարցը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։