«Բացահայտելով տաղանդների». Հայ դարպասապահը Ֆրանսիայից (ֆոտո)
11:11 28 ապրիլի, 2020NEWS.am Sport-ը շարունակում է ներկայացնել արտերկրում հանդես եկող և Հայաստանի հավաքականում խաղալու երազանք ունեցող պատանի հայ ֆուտբոլիստների:
Ֆրանսիական FC Kronenbourg ակումբի Մ-15 տարեկանների պատանեկան թիմում հանդես է գալիս 14-ամյա հայ դարպասապահ Խաչատուր Ունուսյանը:
«Իմ որդին ծնվել ու մեծացել է Ֆրանսիայում, ֆուտբոլով զբաղվում է 8 տարեկանից: Նա հիանալի տիրապետում է հայերենին և սովորում է Ստրասբուրգի La Doctrine Chrétienne քրիստոնեական դպրոցում»,- NEWS.am Sport-ի թղթակցի հետ զրույցում նշել է ֆուտբոլիստի մայրը՝ Սոֆիա Ունուսյանը:
«Խաչատուրը ծնվել է 2005 թվականի օգոստոսին, խաղում է դարպասապահի դիրքում: Կարիերան սկսել է ֆրանսիական SC Schiltigheim ակումբի պատանեկան թիմում, որտեղ անցկացրել է մի քանի տարի:
SC Schiltigheim-ի կազմում որդիս դարձել է Մ-13 տարեկանների Ligue d'Alsace-ի չեմպիոն, բազմիցս խաղացել է ֆրանսիական թոփ-ակումբների՝ ՊՍԺ-ի, «Լիոնի» պատանեկան թիմերի դեմ:
Խաչատուրը զուգահեռաբար մարզվում է ProPulse ակադեմիայում: Նա ճանաչվել է Boulogne-sur-Mer մրցաշարի լավագույն դարպասապահ, մասնակցել է Թուրքիայում անցկացված Izmir Cup միջազգային մրցաշարին, որտեղ նրա թիմը մրցել է նաև «Գալաթասարայի» հետ:
Այս տարի Խաչատուրը տեղափոխվել է FC Kronenbourg, որտեղ հանդես է գալիս Մ-15 տարեկանների պատանեկան թիմում: Շուտով նա կհամալրի Մ-16 տարեկանների թիմը: Նոր ակումբում նա կարող է հետագա առաջընթաց ունենալ իր աշխատասիրության և մարզիչի պրոֆեսիոնալիզմի ու խստության շնորհիվ:
Մինչ այժմ Հայաստանի ֆուտբոլի ֆեդերացիայից մեզ հետ կապ չեն հաստատել, բայց իմ որդին երազում է հրավեր ստանալ Հայաստանի պատանեկան հավաքականից, իսկ ապագայում՝ ազգային թիմից»,- նշել է Սոֆիա Ունուսյանը:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.