Իտալական «Բրեշիայի» և Իտալիայի երիտասարդական հավաքականի կիսապաշտպան Սանդրո Տոնալին առաջիկա տրանսֆերային պատուհանի ընթացքում, հնարավոր է, տեղափոխվի կատալոնական «Բարսելոնա»:
«Բարսելոնայի» հետաքրքրության մասին լուրերը հաստատել է անձամբ «Բրեշիայի» նախագահ Մասիմո Սելինոն:
«Փետրվարին ես անակնկալ առաջարկ ստացա Տոնալիի դիմաց: Ես այդ մասին դեռ ոչինչ չեմ ասել նրան, պատրաստվում եմ հունիսին անակնկալ մատուցել»,- Սելինոյի խոսքը մեջբերում է Corriere della Sera-ն:
Նշվում է, որ «Բարսելոնան» Սանդրո Տոնալիի դիմաց «Բրեշիային» առաջարկել է 60 միլիոն եվրո և ակումբի պատանեկան թիմի 2 ֆուտբոլիստի:
Սանդրո Տոնալին համարվում է իտալական ֆուտբոլի ամենախոստումնալից ֆուտբոլիստներից մեկը: Նրա ծառայություններով հետաքրքրված են նաև Թուրինի «Յուվենտուսն» ու Միլանի «Ինտերի»: Ֆուտբոլիստի պայմանագիրը «Բրեշիայի» հետ նախատեսված է մինչև 2021 թվականի հունիս:
2019/20 մրցաշրջանում Տոնալին բոլոր ակումբային մրցաշարերում մասնակցել է 24 հանդիպման, խփել 1 գոլ, կատարել 5 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։