«Բացահայտելով տաղանդների». Հայ փլեյմեյքերը՝ Իսրայելից (ֆոտո)

11:11   24 ապրիլի, 2020

NEWS.am Sport-ը շարունակում է ներկայացնել արտասահմանում հանդես եկող և ապագայում Հայաստանի հավաքականում խաղալու երազանք ունեցող երիտասարդ հայ ֆուտբոլիստների:

Երուսաղեմի «Բեյտարի» երկրորդ թիմում հանդես է գալիս 17-ամյա հայ հարձակողական ոճի կիսապաշտպան Փոլ Ջերնազյանը:

Փոլը ծնվել է 2002 թվականին Երուսաղեմում: 5 տարեկանից զբաղվում է ֆուտբոլով «Բեյտարի» համակարգում: 

2017/18 մրցաշրջանում Ջերնազյանն ակումբի պատանեկան թիմի կազմում դարձել է Իսրայելի գավաթակիր:

Պատանեկան թիմերում հաջող մրցելույթներից հետո Փոլը միացել է «Բեյտարի» երկրորդ թիմին, որի կազմում արդեն մասնակցել է 5 հանդիպման:

Վերջերս Ջերնազյանը հրավեր էր ստացել Իսրայելի առաջին դիվիզիոնը ներկայացնող «Հապոել Կատամոնից», սակայն թիմերը չկարողացան համաձայնության գալ, և տեղափոխությունը ձախողվեց:

2017 թվականի ամռանը Փոլը Հայաստանի պատանեկան հավաքականի կազմում մասնակցել է երկշաբաթյա հավաքի: 17-ամյա կիսապաշտպանի երազանքն է մեկ օր հրավեր ստանալ Հայաստանի ազգային հավաքականից:

Սամվել Սուքիասյան



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։