«Բացահայտելով տաղանդների». «Ալաշկերտից»` Իտալիա (ֆոտո)
11:11 21 ապրիլի, 2020NEWS.am Sport-ը շարունակում է ներկայացնել արտասահմանում հանդես եկող և ապագայում Հայաստանի հավաքականում խաղալու երազանք ունեցող երիտասարդ հայ ֆուտբոլիստների:
Իտալական USD Gassino-ի պատանեկան թիմում հանդես է գալիս 17-ամյա կենտրոնական հարձակվող Վահե Մանուկյանը:
«Վահեն սկսել է ֆուտբոլով զբաղվել 10 տարեկանից «Ալաշկերտում»: Իտալիա ենք տեղափոխվել 2 տարի առաջ»,- NEWS.am Sport-ի թղթակցի հետ զրույցում նշել է ֆուտբոլիստի հայրը՝ Արման Մանուկյանը:
«ԱԼԱՇԿԵՐՏԻՑ»` «ԱՏԱԼԱՆՏԱՅԻ» ՔՈւՅՐ ԱԿՈւՄԲ
«Էդուարդ Ավդալյանի գլխավորությամբ «Ալաշկերտի» պատանեկան թիմում հանդես գալու տարիներին Վահեի մոտ առաջընթաց նկատվեց, ինչից հետո մենք տեղափոխվեցինք Իտալիայի Թուրին քաղաք:
2018/19 մրցաշրջանում KL Pertusa-ի կազմում Վահեն 25 խաղում դարձավ 12 գոլի հեղինակ, ինչից հետո նրան նկատեցին USD Gassino-ի սկաուտները: Դա «Ատալանտայի» քույր ակումբն է, որի կազմում իմ որդին ընթացիկ մրցաշրջանի 15 խաղում արդեն դարձել է 8 գոլի հեղինակ:
Իտալիայում Վահեին կոչում են «bomber»՝ ռմբարկու: Նա հանդես է գալիս USD Gassino-ի Մ-17 և Մ-18 տարեկանների թիմում, սակայն շուտով կհամալրի Մ-19 տարեկանների թիմի կազմը»:
ՀԱՅՐԵՆԱՍԻՐԱԿԱՆ ԵՐԱԶԱՆՔ
«Վահեի երազանքն է դառնալ պրոֆեսիոնալ ֆուտբոլիստ և հրավեր ստանալ Հայաստանի պատանեկան և, իհարկե, ազգային հավաքականից: Իմ որդին ամբողջությամբ նվիրվել է ֆուտբոլին, և ես հուսով եմ, որ նրա մոտ ամեն ինչ կստացվի»:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.