Ամստերդամի «Այաքսը» պատրաստ է առաջիկա տրանսֆերային պատուհանի ժամանակ վաճառել դարպասապահ Անդրե Օնանային։ Հոլանդական ակումբը 24-ամյա կամերունցի ֆուտբոլիստի համար պահանջում է 40 միլիոն եվրո, հաղորդում է The Telegraph-ը։
Օնանային վերադարձնելու ցանկություն ունի «Բարսելոնան»։ Նրա ծառայություններով հետաքրքրված են նաեւ Լոնդոնի «Չելսին» ու Փարիզի ՊՍԺ-ն։
Օնանան 2010-2015 թվականներին հանդես է եկել «Բարսելոնայի» պատանեկան թիմերում։ Այնուհետեւ տեղափոխվել է «Այաքս», իսկ 2016-ից ներկայացնում է ակումբի գլխավոր թիմը։
Ընթացիկ մրցաշրջանում Օնանան «Այաքսի» հետ մասնակցել է 39 հանդիպման բոլոր մրցաշարերում, 15 խաղում գոլ բաց չի թողել։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։