Սարգիս Ադամյանը՝ NEWS.am Sport-ի համար. Մարզումները վերսկսելու և խաղադաշտ վերադառնալու ժամկետի մասին (ֆոտո)

13:48   15 ապրիլի, 2020

Նախօրեին հայտնի դարձավ, որ վիրահատությունից և վերականգնողական փուլի ավարտից հետո Հայաստանի հավաքականի հարձակվող Սարգիս Ադամյանը վերսկսել է անհատական ծրագրով մարզումները գերմանական «Հոֆենհայմի» կազմում:

NEWS.am Sport-ի թղթակցի հետ զրույցում 26-ամյա հարձակվողը խոսել է ապաքինման ընթացքի և խաղադաշտ վերադառնալու ժամկետի մասին:

«Վերսկսել եմ մարզումները խաղադաշտում, ինձ լավ եմ զգում: Ինձ դեռ ժամանակ է պետք, սակայն ամեն օր բարելավում եմ մարզավիճակս: Շուտով կսկսեմ որոշակի վարժություններ կատարել նաև գնդակով: Շուրջ 1 ամիս անց կկարողանամ լիարժեք մարզումներ անցկացնել «Հոֆենհայմի» ընդհանուր խմբում և վերադառնալ խաղադաշտ: Ամեն ինչ լավ կլինի»,- ասել է Ադամյանը:

Ընթացիկ մրցաշրջանում «Հոֆենհայմի» կազմում 16 խաղում Սարգիս Ադամյանը դարձել է 6 գոլի և 2 արդյունավետ փոխանցման հեղինակ:

Սամվել Սուքիասյան



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։