Ծանրամարտի Եվրոպայի առաջնությունը կանցկացվի հոկտեմբերին
17:10 14 ապրիլի, 2020Ծանրամարտի Եվրոպայի առաջնությունը կանցկացվի աշնանը։ Այդ մասին հայտնել է Ռուսաստանի ծանրամարտի ֆեդերացիայի նախագահ Մաքսիմ Ագապիտովը։
Եվրոպայի առաջնությունը Մոսկվայում պետք է տեղի ունենար ապրիլին, սակայն կորոնավիրուսի պանդեմիայի հետեւանքով հետաձգվել էր մինչեւ հունիս։ Այժմ պարզ է դառնում, որ հունիսին եւս հնարավոր չի լինի անցկացնել այդ մրցաշարը։
«Բոլորը հասկանում են, որ այս իրավիճակում բոլորն արգելափակված են եւ հնարավոր չի լինի բոլորին հավաքել Մոսկվայում։ Մեր մայրաքաղաքը նույնպես արգելափակված է։ Պարզ է, որ առաջիկայում իրավիճակը չի փոխվի։
Ծանրամարտի եվրոպական ֆեդերացիայի գլխավոր քարտուղարի հետ զրույցում նշել եմ, որ պետք է մրցաշարը տեղափոխել աշուն։ Ես առաջարկել եմ անցկացնել հոկտեմբերին»,- Մաքսիմ Ագապիտովի խոսքը մեջբերում է tass.ru-ն։
Հիշեցնենք, որ Եվրոպայի առաջնությունը օլիմպիական վարկանիշային մրցաշար է։ 2020թ․ Տոկիոյի Օլիմպիական խաղերը հետաձգվել են մեկ տարով։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։