Հայաստանի հավաքականի դարպասապահ Անաստասիա Կլիմովան տեղափոխվել է «Ենիսեյ». Հարցազրույց (ֆոտո)
10:10 14 ապրիլի, 2020Ֆուտբոլի կանանց Հայաստանի ազգային հավաքականի դարպասապահ Անաստասիա Կլիմովան «Շիրակ-Հոմենմենից» տեղափոխվել է Ռուսաստանի Բարձրագույն խմբում հանդես եկող Կրասնոյարսկի «Ենիսեյ»:
NEWS.am Sport-ի թղթակիցը զրուցել է 25-ամյա ֆուտբոլիստուհու հետ, որը վերջերս տեղի ունեցած Լիտվայի հետ ընկերական խաղերում (0:1, 1:1) նորամուտը նշեց Հայաստանի ազգային հավաքականի կազմում:
ԱԿՈւՄԲԱՅԻՆ ԿԱՐԻԵՐԱՅԻ ՄԱՍԻՆ
«Ակումբային կարիերայիս ընթացքում հանդես եմ եկել Ուկրաինայի, Ռուսաստանի, Բելառուսի, Վրաստանի և Հայաստանի առաջնություններում:
«Լեգենդայի» կազմում 2 անգամ հասել եմ Ուկրաինայի գավաթի խաղարկության եզրափակիչ, առաջնությունում նվաճել եմ արծաթե և բրոնզե մեդալներ, արժանացել եմ սպորտի վարպետի կոչմանը, որի համար շատ հպարտ եմ: 2017 թվականին «Մարտվեի» կազմում դարձել եմ Վրաստանի չեմպիոն՝ ձեռք բերելով նաև Չեմպիոնների լիգայում հանդես գալու փորձ»:
ՆՈՐ ՄԱՐՏԱՀՐԱՎԵՐ
«Իմ մրցելույթներին «Ենիսեյից» հետևել են Իժևսկի «Տորպեդոյում» հանդես գալու ժամանակահատվածում: Մի քանի հանդիպում անցկացրել եմ «Շիրակ-Հոմենմենի» կազմում, այնուհետև միացել եմ Կրասնոյարսկը ներկայացնող ակումբին, որտեղ լավ ընդունելության եմ արժանացել: Կանենք ամեն ինչ մրցանակային տեղ գրավելու համար: Հասկանալի պատճառներով հանդիպումներն առայժ հետաձգվել են մինչև մայիս»:
ՀԱՅԱՍՏԱՆԻ ՀԱՎԱՔԱԿԱՆԻ ՄԱՍԻՆ
«Հայաստանը գեղեցիկ երկիր է, իսկ ժողովուրդը շատ հյուրընկալ է: Հայաստանի հավաքականի կազմում իմ առաջին հավաքը շատ լավ անցավ, մենք ընկերական կոլեկտիվ ունենք, որակյալ մարզչական շտաբ, մարզումային գործընթացի համար ստեղծված են բոլոր անհրաժեշտ պայմանները: Կարծում եմ՝ Լիտվայի հետ հանդիպումներն օգտակար էին մեզ համար: Սա միայն սկիզբն է այն երկար ճանապարհի, որը Հայաստանի հավաքականը պետք է անցնի»:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.