Լևոն Արոնյանը հրաժարվել է մասնակցել Magnus Carlsen Invitational օնլայն մրցաշարին. Հայտնի է մասնակիցների կազմը
12:05 13 ապրիլի, 2020Հայտնի է դարձել շախմատի աշխարհի գործող չեմպիոն, նորվեգացի Մագնուս Կարլսենի նախաձեռնությամբ անցկացվելիք արագ շախմատի Magnus Carlsen Invitational մրցաշարի մասնակիցների ցանկը:
Հայկական շախմատի առաջատար Լևոն Արոնյանը հրաժարվել է մասնակցել մրցաշարին: Հիշեցնենք, որ մարտի 31-ին ողբերգական ավտովթարի հետևանքով մահացել էր Արոնյանի կինը՝ ՖԻԴԵ-ի կանանց միջազգային վարպետ Արիանա Կաոիլին:
Magnus Carlsen Invitational-ին կմասնակցեն Մագնուս Կարլսենը (Նորվեգիա), Յան Նեպոմնյաշչին (Ռուսաստան), Ֆաբիանո Կարուանան, Հիկարու Նակամուրան (ԱՄՆ), Դին Լիրենը (Չինաստան), Մաքսիմ Վաշյե-Լագրավը (Ֆրանսիա), Անիշ Գիրին (Հոլանդիա) և Ալիրեզա Ֆիրուջան (Իրան):
Նախապես ծրագրված էր մրցաշարն անցկացնել ՖԻԴԵ-ի դասակարգման աղյուսակի առաջին 8 տեղերը զբաղեցնող գրոսմայստերների մասնակցությամբ, սակայն օնլայն մրցաշարին մասնակցությունից բացի դասակարգման աղյուսակի 7-րդ տեղը զբաղեցնող Արոնյանից հրաժարվել են նաև ռուսաստանցի Ալեքսանդր Գրիշչուկը (6-րդ տեղ) և ամերիկացի Ուեսլի Սոն (8-րդ տեղ):
Magnus Carlsen Invitational-ի առաջին տուրի պարտիաները տեղի կունենան ապրիլի 18-ին: Մրցաշարը կանցկացվի շրջանային համակարգով և կտևի 2 շաբաթ: Մրցանակային հիմնադրամը կազմում է 250 հազար դոլար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։