ՌՖՄ-ն ՈւԵՖԱ-ին հայտնել է, որ Սանկտ Պետերբուրգը պատրաստ է հաջորդ տարի ընդունել Եվրո-2020-ի խաղերը

19:49   11 ապրիլի, 2020

Ռուսաստանի ֆուտբոլային միությունը (ՌՖՄ) ՈւԵՖԱ-ին հայտնել է, որ Սանկտ Պետերբուրգը պատրաստ է 2021 թվականին ընդունել Եվրո-2020-ի հանդիպումները։

ՌՖՄ-ն համապատասխան երաշխիքներ ստացել է Սանկտ Պետերբուրգի քաղաքային իշխանություններից, հաղորդում է tass.ru-ն։

Ոչ պաշտոնական տվյալով, Հռոմն ու Բիլբաոն կորոնավիրուսի պանդեմիայի հետեւանքով կհրաժարվեն Եվրո-2020-ի հանդիպումներ անցկացնելու իրավունքից։ ՈւԵՖԱ-ն դեռ չի հաստատել մեկ տարով հետաձգված Եվրո-2020-ի օրացույցն ու ստադիոնները։

Նախատեսված է Եվրո-2020-ի հանդիպումներն անցկացնել տարբեր երկրների 12 քաղաքներում, սակայն հնարավոր է՝ տեղի ունենա մրցաշարի ձեւաչափի փոփոխություն եւ քաղաքների թիվը կրճատվի։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։