Ավստրիայի սպորտի նախարար Վերներ Կոգլերը կարծում է, որ հնարավոր է Ֆորմուլա-1-ի Ավստրիայի Մեծ մրցանակի անցկացումը նախատեսված ժամկետում։ Ֆորմուլա-1-ի օրացույցով, այն պետք է տեղի ունենա հուլիսի 5-ին։
«Եթե Ֆորմուլա-1-ը պատրաստ լինի, ապա մեր փուլի անցկացումը նախանշած ժամկետում հնարավոր է։ Կազմակերպիչները կհետեւեն սանիտարական կանոններին եւ երկիր ելք ու մուտքի օրենքներին։ Մրցաշրջանը սկսելու շանս կա»,- Ավստրիայի սպորտի նախարարի խոսքը մեջբերում է Kleine Zeitung-ը։
Կորոնավիրուսի պանդեմիայի հետեւանքով Ֆորմուլա-1-ի մրցաշրջանը դեռ չի մեկնարկել։ Ավստրալիայի եւ Մոնակոյի փուլերը չեղարկվել են։ Բահրեյնի, Վիետնամի, Չինաստանի, Հոլանդիայի, Իսպանիայի, Ադրբեջանի եւ Կանադայի փուլերն անորոշ ժամանակով հետաձգվել են։ Ֆրանսիայի փուլի անցկացումը եւս հարցականի տակ է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։