«Լիվերպուլի» լեգենդար խաղացողը վարակվել է կորոնավիրուսով․ BBC
23:18 10 ապրիլի, 2020Անգլիական «Լիվերպուլի» լեգենդար խաղացող, 69-ամյա Քենի Դալգլիշը վարակվել է կորոնավիրուսով, հաղորդում է BBC-ն։ Նրա թեստը դրական է եղել, սակայն ընտանիքի անդամները հայտնել են, որ ախտանիշ Դալգլիշի մոտ դեռ չի նկատվել։ Ապրիլի 8-ին նա այլ խնդիրներով դիմել է հիվանդանոց եւ անցել է նաեւ կորոնավիրուսի թեստ, որը շատ անսպասելի տվել է դրական պատասխան։
Շոտլանդացի ֆուտբոլիստը «Լիվերպուլում» հանդես է եկել 1977-1990 թվականներին, 1985-ից եղել է թիմի խաղացող մարզիչը։ «Լիվերպուլը» նա գլխավորել է նաեւ 2011-2012-ին։
80-ականներին նա «Լիվերպուլի» հետ դարձել է Անգլիայի 6-ակի չեմպիոն, եվրոպական չեմպիոնների եռակի գավաթակիր։ Երեք անգամ էլ նա Անգլիայի չեմպիոն է դարձել «Լիվերպուլի» մարզիչի դերում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։