Լոնդոնի «Արսենալի» եւ Դանիայի հավաքականի նախկին ֆուտբոլիստ Նիկլաս Բենդտները մտադիր է սկսել մարզչական կարիերա։
«Ես կարող եմ դառնալ մարզիչ։ Ցանկանում եմ անցնել դասընթացներ եւ ստանալ արտոնագիր»,- 32-ամյա Բենդտների խոսքը մեջբերում է tribalfootball-ը։
«Բենդտները լավ է հասկանում ֆուտբոլը, դա կասկածից վեր է։ Նա տարբեր երկրներում հանդես գալու մեծ փորձ ունի։ Դա էլ կօգնի նրան»,- ասել է «Կոպենհագենում» Բենդտների նախկին մարզիչ Ստոլե Սոլբակենը։
2019թ․ դեկտեմբերին «Կոպենհագենից» հեռանալուց հետո Բենդտները թիմ չունի։
Նա կարիերայի ընթացքում հանդես է եկել «Արսենալում», «Բիրմինգհեմում», «Սանդերլենդում», «Յուվենտուսում», «Վոլֆսբուրգում», «Նոթինգհեմ Ֆորեսթում», «Ռուսենբորգում», «Կոպենհագենում» եւ Դանիայի հավաքականում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։