Բրազիլիայի ազգային հավաքականի նախկին ֆուտբոլիստ Մազինյոն կարծիք է հայտնել կատալոնական «Բարսելոնայի» առաջատար Լիոնել Մեսիի հնարավոր փոխարինողի վերաբերյալ:
«Աշխարհում միայն 1 ֆուտբոլիստ կարող է փոխարինել Մեսիին և նա Նեյմարն է: Հնարավոր է՝ Նեյմարը չպետք է հեռանար «Բարսելոնայից», սակայն նա դեռ ժամանակ ունի իր սխալն ուղղելու համար:
Նեյմարը դեռ 28 տարեկան է և կարող է դեռ երկար տարիներ բարձրակարգ ֆուտբոլ խաղալ: «Բարսելոնան» ունի նրա կարիքը»,- 54-ամյա Մազինյոյի խոսքը փոխանցում է Goal.com-ը:
«Բարսելոնան» ցանկանում է Նեյմարին թիմ վերադարձնել առաջիկա տրանսֆերային պատուհանի ընթացքում: «Բարսելոնայի» նախագահ Խոսեպ Մարիա Բարտոմեուն չի հերքել բրազիլացի հարձակվողի նկատմամբ հետաքրքրությունը:
Նեյմարը «Բարսելոնայում» հանդես է եկել 2013-2017 թվականներին: Բրազիլացի հարձակվողի տեղափոխությունը ՊՍԺ համարվում է ֆուտբոլի պատմության ամենաթանկարժեք տրանսֆերը: Ֆրանսիական ակումբը Նեյմարի դիմաց «Բարսելոնային» վճարել է 222 միլիոն եվրո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։